MTV VMA Perform tur zingah Camila Cabello, Lil Nas X leh Lizzo-te tel

MTV Video Music Award semnaah Shawn Mendes chu a zawna a ṭum thumna atan a perform dawn a, Camila Cabello, Lil Nas X, Lizzo, Bad Bunny, J Balvin leh Rosalia-te pawh a ṭumkhatna atan an perform dawn tih tarlan a ni.

Pru­dential Center , New Jersey-a August 26-a sem turah hian Shawn Mendes hian nomination panga lai a hmu bawk a, a bialnu Camila a perform dawn bawk nen a phur tawh viauin a rinawm.

Video Vanguard Award dawng tur Missy Elliott a perform dawn tih a chiang tawh a, Taylor Swift perform tur pawh tihchian a ni tawh bawk. Swift hi a album thar 'Lover' a tlangzarh hnua a perform hmasak ber tur a ni a, a phur tawh viauin a rinawm bawk.

Hetihlai hian perform tur zinga a hming sawilan Katy Perry chuan a pha thung a, a perform dawn lo a nih hmel. Miley Cyrus pawh perform tur zingah sawilan a ni mah se a pha ve bawk a ni.