Metallica-in hospital ṭanpuina pe

American heavy metal band Metallica chuan Romania rama pediatric oncology hospital hmasa ber tur satu, Romanian association hnenah ṭanpuina, euro 250,000 a pe. 

Ṭanpuina sum hi Da­ruieste Viata (Give Life) hnen­ah pek a ni a, he pawl hi kum 2012-a din a ni. Band non-profit foundation All Within My Hands kaltlangin pawisa hi an pe a ni. 

Kum 2018 kum laihawl aṭangin Bucharest-ah hospital hi sak ṭan a ni a, project hi nakkuma zawhfel hman beisei a ni. Hospital sakna atan hian mimal 2,60,000 aṭangin ṭanpuina an hmu tawh.

Romania hi EU ram zingah infrastructure lama hnufual ber zinga mi a ni. EU-in regional hospital pathum sakna tur sum pawh pe tawh mah se sorkar chuan a sak hun tur hi a tikhawtlai zel a ni. Metallica hian nakkum April thlaah South America-ah tour an nei leh dawn a, South American tour-ah hian special guest American rock band, Greta Van Fleet an nei dawn a ni. Show hi hmun rukah an nei dawn a, April 15-ah Chile-ah bul ṭanin April 17-ah Brazil-ah an khar ang. 

Band hian 2016 album Harwired..to Self Destruct promote nan hun an la hmang chhunzawm zel. September thla hian S&M symphonic album champha vawi 25 lawmna chu San Francisco-ah an nei dawn a, S&M show hi film-ah siamin, October 9-ah theatre-ah screening a ni dawn.