Ep 4 'Vanglaini' hian min hneh ber - Christina

Mizo Series 0389 episode 4 'Vanglaini' chu zanin dar 8:00 hian Zonet Zawlbukah a chhuak leh dawn.

Episode 1 ṭannaah khan Ashley nau Maggie chu a pasal Mark Rinsanga te in aṭangin a bo tih a lang nghal. Ashley-i'n a chanchin mipa pakhat hnena a sawinain a chhunzawm nghal a, a buaina tawn a sawi chhunzawm hmain a nun a mi pawimawh tak Zara chanchin a sawi chhunzawm daih.

Episode 4 thlirlawknaah Maggie te an innei dawn chauh a, zanin hian a bul ṭanna chhunzawm a nih a rinawm. Ashley lema chang Christina chuan, " Dawhtheih a ngai a, ngaihtuahna sen tel pawh a ṭul ang. Episode 4-ah aṭang hi chuan a kalhmang kan chiang chho turah ka ngai a, hmuhnawm an tih chhoh pawh ka beisei," tiin a sawi.