JK Rowling Chawimawina hlan dawn

Kennedy Human Rights Ripple of Hope laureates award dawng turin JK Row­ling hming a langsar. 

Rowling bakah hian US House Speaker Nancy Pelosi, environ­mental activist leh Cool Globes Inc founder nibawk Wendy Abrams leh Livongo Health executive chairman Glen Tullman-te chu chawimawina dawng tur zingah an tel. 

Harry Potter ziaktu tia kan hriat, JK Rowling hian kum 2005 khan naupangte  ṭanpuina, an dikna leh chanvo humhalh a nih theihna atan children’s charity, Lumos a din a, he pawl hi international non-govern­mental oraganisation a ni.

Naupangte tan a thawh­ṭhat vang hian he chawi­mawina hi hlan a ni dawn a, December 12 hian New York-ah hlan a ni ang.

He award hi human rights lamah leh remna leh muanna kawnga thawk ṭhate hlan ṭhin an ni. Ripple of Hope laureates hi Barack Obama, Archbishop Desmond Tutu, Bono, Hillary Rodham Clinton, George Clooney, Robert F. Smith, Harry Belafonte, John Lewis leh Tim Cook-ten an dawng tawh bawk.