Hayley Williams-i'n Paramore kalzel dan tur hre lo
Paramore frontwoman Hayley Williams chuan an band kalzel dan tur a hriat loh thu sawi chhuakin, music tel loa inkawm nuam an ti hle zawk tih a sawi.
Nikum aṭanga chawlh la 'Misery Business' hitmaker chuan a bandmate - Taylor York leh Zak Pharro-te nen chuan tun dinhmunah chuan music tel loa inkawm khawm nuam an tih thu a sawi a ni.
Hayley chuan tunhnai lawk pawh khan a inah zanriah an kilho tih sawiin, music tel loa puitling taka inkawm khawm chu an hlimpui hle tih a sawi. Paramore chu tihtawp mai a duh thu a lo sawi tawh bawk nen, Paramore band hi kan hmu zui zel tawh lo maithei.
2017-a album an tihchhuah bak kha an chanchin a reh hle a, kum hnih kal ta khan an guitarist Taylor hnenah band thar din mai a rawt hial thu Hayley chuan a sawi a ni. Taylor pawh hian band chhuahsan chu vawi eng emaw zat a tum tawh thu sawi ve bawkin; an band chu an la kalpui chhunzawm zel dawn em tih a chian lo, a ti.