Brad Pitt leh Charlize Theron an in-date!

Kawppui tur zawn kawnga ngaihtuahawm loh ve tak Brad Pitt chuan a lunglai kuaitu a tawng leh ta a, a hming chu Charlize Theron a ni! Hollywood star pahnihte in 'date' thu hi a darh chak hle a, mipui pawh a barakhaih hle. 

Kum 55 mi Brad Pitt leh Charlize Theron (43)-te hi nikum December aṭang khan an inzui ṭan tawh niin an sawi a, tun weekend khan Los Angeles-ah hmuhdun an ni. Theron hi Inrinni zan khan West Hollywood-ah 'Roma' film en turin a kal a, he hmun­ah hian Pitt nen hian hmuh dun an ni. Mita hmutute chuan an hlim dun hle tih sawiin, an khawsak dan aṭangin an inhaw lo hle tih an sawi. 

American actor Brad Pitt leh South African actress lar Charlize Theron-te in 'date' thu hi a darh chak hle a, social media lamah pawh titi 'hot' tak pakhat a ni mek. Hetih lai hian an mahni lam an la ngawih rih avangin chanchin kimchang hriat tur a la awm lo thung. 

Brad Pitt hi kum 2016 khan Angelina Jolie nen an inṭhen a, hemi hnu hian kawpuui bulfuk tak a la nei leh lo. Angelina Jolie hma hian Jennifer Aniston nen pawh kum eng emaw zat an lo innei tawh bawk. 

Charlize Theron pawh hi American actor Sean Penn nena hun eng emaw chen an lo inkawp tawh a, 2015 khan an inṭhen a ni. Hemi hnu hian Swedish actor Alexander Skarsgard nen sawizawm an ni leh a, tunah Brad Pitt a lo lang ve leh ta a ni.