Selena-i'n music luhchilh leh tawh

American singer Selena Gomez chu hun eng emaw ti chhung music lamah a hmel hmuh tur a awm loh hnuin, rimawi khawvelah a rawn zuanglut ve leh ta. Selena hian Julia Michaels chu a album buaipuinaah thawhpuiin, tun thla hian release a ni ang. 

Selena hian kum harsa tak a hmang zo a - tunah chuan boruak thar nen bul a ṭan leh thei tawh a ni. Hun eng emaw chen rehab-ah a awm a, a rilru leh taksa lamah harsatna a tawk. Hei vang hian rimawi lamah pawh a inhmang tam lo hle a, tun hi rehab aṭanga a chhuah hnua a hla hmasa tur a ni. 

American singer Julia Michaels hian January 25 hian a album thar 'Inner Monologue Part I' chu a tichhuak dawn a, Selena leh Niall Horan-te a thawhpui a ni.