Jimmy Kimmel-in pawisa chawi dawn

ABC talk show Jimmy Kimmel Live! chu presidential alert tihdan an programme-a an zir avangin $395,000  zet chawitir an ni tih US regulator chuan a tarlang.

Show-ah hian emergency alert tone vawi thum tihrik ṭhin ang chu an entawn a, he programme an tihchhuah ni hi nikum October 3 kha niin, hemi ni tak hian US pumah presidential alert hi official-in an test ve bawk a ni. Enchhinnaah hian US-a mobile phone hmangtu maktaduai 200 zet chuan "Presidential Alert" notification hi an dawng hial.

Missile hmanga beihna, khuarel chhiatna emaw firfiakte beihna emaw an tawh huna hman tur niin, President chu alert pechhuak thei tura thupetu a ni a, Federal Emergency Management Agency (Fema) hnuaia awm a ni thung.

Hemi a nih avang hian US chuan an la thutak hle a, Federal Communications Commission (FCC) chuan lo zir pawh a remti lo a ni. Hetichung hian Jimmy Kimmel Live! hian an lo zir miau si a, pawisa an chawi phah ta ṭeuh a ni.