Niall Horan leh Shawn Mendes thawkdun

One Direction star Niall Horan leh Candian singer lar Shawn Mendes te chu an thawkdun niin khawthlang media te chuan an tarlang a, fan te an phur tawh hle.

 

Pop singer Horan leh Mendes te thawhdun thu hian rimawi khawvelah chuan 'titi' a luah nghal a, eng hla nge an tichhuah dun ang tih chu an hriat chak ber a ni. 

Irish singer Niall Horan chuan 'Lost in Japan' singer Mendes nena an thawh dun thu hi Twitter kaltlangin Thawhṭanni khan a puang a, comment a tam rem rem hle. Hetih lai hian thu chiang tak erawh a sawi lang duh rih lo thung a, fan te tiphur tawk lekin thu a post a ni. Zawhna erawh a dawn hnem phah hle a, Mendes pawh a bang bik lo. Shawn Mendes hian Niall Horan nena an thawhdun thu hi a nemnghet ve tawh bawk a, kumin chhunga hla thar tichhuah hman an tum thu a sawi.

 

Kum 25 mi Niall Horan hi tun hnaiah music lamah a rawn intuaithar chho leh a, Selena Gomez leh Julia Michaels te nen pawh studio khatah an lut ho leh tawh a ni.