MTV Unplugged Presents: BTS, ARMY tan inrin a hun

MTV chuan Thawhlehni khan khawchhak superstar rual BTS-te chu an MTV Unplugged special tihchhuah turah an inlan dawn tih an puang.

K-Pop band ropui hian an ram khawpui Seoul aṭangin February 23-a pek chhuah tur MTV Unplugged hi an rawn luhchilh dawn a ni. ARMY tan chuan hei hi thu lawmawm tak a ni ngei ang.

Dynamite hitmaker-te hian Nirvana, Tony Bennett, Mariah Carey, Aerosmith, LL Cool J, Bob Dylan, George Michael, Bjork, Lauryn Hill, Jay-Z leh zaithiam dang eng emaw zatin an lo paldarh tawh stage an rawn luah ve dawn a ni a, K-Pop fan-te tan chuan hei baka thu lawmawm tak tur a ni.

Nikum lama an hit Dynamite kha Billboard Hot 100, Global 200 leh Global 200 Excl. U.S-ahte a rualin pakhatna an nihpui a, kumin lamah pawh an ropuina hi belhchhahin a la awm zel dawn a nih hmel.