Google-in sum chawi hnem dawn

Google chu European data privacy rules bawh­chhiahah phuh a nih avangin, sum tam tham chawi thei dinhmunah a ding mek niin media lian te chuan an tarlang. 

National Data Protec­tion Commission chuan hemi chungchang hi Thawh­ṭanni khan a tar­lang a, American mul­tina­tional technology company lar Google chu user te tana 'langtlang tawk lo, information pe ṭha tawk lo leh remtihna nei kim chang tawk lo' tiin a sawi a ni. Hetiang hi a nih chuan Google hian sum ṭhahnem tak a chawi thei dawn a, a pawisa chawi tur hi $mtd 57 lai a ni. 

European Union chuan nikum May thla aṭang khan European Union’s General Data Protection Regulation (GDPR) a hmang ṭan a, hemi hnuaiah hian mimal himna leh privacy vawnhim kawngah hma­lakna kalpui a ni. Google laka action lak tumna hi an hmalakna langsar tak pakhat a ni mek a, a hlawltling ang em tih chu zawhna awm mek a ni.