JB leh Hailey ten inneih hun sawn leh?

Tun hnaiah Krsitian dana an inneih ṭhat leh tur thu a darh chiam a, a hun leh ni tur thlengin puanzar a ni. Mahse Justin leh Hailey Bieber-te chuan an inneih ni tura an ruahman tawh March 1 chu an sawn leh dawn niin media-ten an tarlang. 

Canadian singer Justin Bieber leh American model Hailey Baldwin-te hi nikum September thla khan a rukin an lo innei tawh a, kuminah huapzau deuh zawka inneih ṭhat leh an tum bawk. Kristian dana an inkutsuih leh hun atan hian March 1 an ruahman a, sawmna pawh an sem­chhuak tawh!  Mahse eng emaw rokhawlhna avangin an inneih hun tur hi an sawn hla leh dawn a nih hmel a, a chhan chiang tak erawh tarlan a ni lo thung. 

An inneih tur chung­chang hian sawi a hlawh a, fan-te lam an phur tawh hle. Mahse a hun sawn hlat a nih thu hian a ṭhawng leh ta zawk a ni. Kum 24 Justin Bieber leh Hailey Baldwin (22)-te hi nikum July 9 khan an inhual a, Sep­tem­ber thla khan innei zui a ni. A ruka inkutsuih an nih avangin mipuiin an hre lawk lo a, Nobember thla khan Justin Bieber chuan a rawn nemnghet ta chauh a ni. Hemi hnu hian Hailey Baldwin pawhin a hming tawpah 'Bieber' a dah ve ta chauh a ni.