Taylor Swift Ni 30 chhunga insawifiah turin hriattir
American singer Taylor Swift chu SwiftLife company-in an khin avangin, ni 30 chhunga insawifiah tura hritattir a ni. Hemi chungchangah hian tunhnaiah khan court chuan thupek a tichhuak a, Swift hian a chhann a la pe rih lo thung.
'Shake It Off' hitmaker Swift hian kum 2017 khan ama pualin application a tichhuak a, a hmingah 'Swift Life' a phuah. Mahse he hming hi New York computer company SwiftLife nen a lo inang a, company neitu Patrick Lloyd Yves Benot chuan thubuai hi a ziak lut ta a ni.
Company lam chuan Swift application hming leh an computer branch chu customer-ten an hriat pawlh niin an sawi a, Taylor Swift chu a application hming hmang chunzawm tawh lo turin an ti bawk. Hemi chungchangah hian court chuan American singer hi insawifiah turin a hriattir a, ni 30 chhung hun a pe a ni.
Kum 29 mi Taylor Swift hian SwiftLife application hi February thla hian tihtawp a tum thu a puan avangin company lam pawh an inhnukdawk leh mai thei niin an tarlang bawk.