'Run the Race' Final trailer a chhuak ta

Thla leh maia tlangzarh tawh tur Kristian film 'Run the Race' final trailer chu Nilaini khan tichhuah a ni ta. American football star Tim Tebow chanchin tarlanna film hian ngaihven a hlawh a, a unaupa Robby chanchin pawh tarlan a ni. 

He drama/sport film hi kumina Kristian film chhuak thar tur zing­ah chuan en chakawm berte zinga mi niin, thawm pawh a nei lian viau. Kristian ṭha tak a nih avanga mi tam takin an ngaihsan Tim Tebow chanchin tarlanna a nih miau avangin dahniam theih a ni lo a, hmaih phal chi lah a ni hek lo. 

Chris Dowling kut­chhuak, Evan Hofer, Kelsey Reinhardt leh Kristoffer Polaha-te channa 'Run the Race' hi February 22 hian US-ah release a ni ang. Tim Tebow leh a unaupa Robby-te chu he film-ah hian producer a ni nghal bawk.