Robin Thicke Malibu-ah in a sa thar leh dawn

Nikum November thla khan California-ah ram nasa takin a kang a, hei hian in leh lo eng emaw zat a kangchhia. Vanduaina tawk zingah hian Robin Thicke pawh telin, Malibu-a an chenna in chu a kangchhe vek a ni. 

American-Canadian singer Robin Thicke chuan vanduina tawk mah se Malibu chu chhuahsan tumna a la nei chuang lo a, in thar sa turin a inbuatsaih leh mek tih a sawi. 'Blurred Lines' hitmaker chuan, "California ram kang kha a nasa hle mai a, dan rual a ni lo. Chhungkaw tam takin in leh lo an chan a, chung zingah chuan kei leh ka chhungte pawh kan tel. Vanduaina then hnu khan Malibu-ah hian mi in luahin kan khawsa zui a, ka fapa pawhin school a kal a - he hmun hi chhuahsan thei kan ni lo," tiin a sawi. 

Robin Thicke hian Malibu-ah hian a nupui April Love Geary leh an fate a khawsakpui a ni. California ram kang nasa tak avang khan - Lady Gaga, Kim Kardashian, Alyssa Milano, Rainn Wilson leh Caitlyn Jen­ner-te pawhin himna zawngin an in leh lo an chuahsan a ni.