Dua Lipa hla thar 'Swan Song'

British singer Dua Lipa chuan Ningani khan hla thar 'Swan Song' a tichhuak a, hei hi 'Alita: Battle Angel' film theme song tur a ni bawk. 

Science fiction/thriller film Alita: Battle Angel hi February 14 khian tlangzarh a ni dawn a, boruak a nei lian sawt hle. A theme song tur tihchhuah a nih hnu phei chuan ngaihven a hlawh zual a, Dua Lipa kherin a lo sak bawk avangin a hit zual a ni. 

'One Kiss' singer Dua Lipa hian a music video thar chungchang hi a lo tarlang zauh zauh tawh a, tunah chuan fan-te en theih turin a chawpchhuak ta a ni. Swan Song video hi a hmuhnawm rem rem hle a, an inthuamna pawh pui tak a ni. Video hi Canadian-Italian photographer lar Floria Sigismondi kutchhuak a ni a, Alita: Battle Angel film-ah pawh scene ṭhenkhat hi chu hmuh tur a awm dawn niin an tarlang. 

'Alita: Battle Angel' theme song 'Swan Song' hi Ningani khan YouTube-ah upload niin, mi mak­ta­duai hnih vel zetin an en leh der tawh a ni.