Grammy Hall of Fame-ah Aerosmith & Tom Petty

American rock band lar Aerosmith leh singer Tom Pretty-te chu Grammy Hall of Fame-ah lakluh an ni dawn a, an rual hian American singer Jackson Browne pawh lakluh a ni ang. 

Recording Academy chuan Grammy Hall of Fame (class of 2019) a lakluh turte hi tun hnai khan a puang a, lakluh hun tur erawh a la tarlang lo thung. Aerosmith, Tom Petty leh Jackson Browne-te hi music huanga an thawh hlawk avangin Hall of Fame-ah hian lakluh an nih tur thu an tarlang. 

Aerosmith hian kum 1975 khan 'Toys in the Attic' album an tichhuak a, heta an hla Walk This Way chu Hall of Fame-ah lakluh a ni dawn. Tom Petty debut album 'Full Moon Fever' leh American singer Jackson Browne self-title album-te pawh lakluh a ni ang. Hemi rual hian Dolly Parton (Coat of Many Colors) leh hla dang eng emaw zat lakluh a ni dawn bawk.