French legend Michel Legrand a thi

Oscar Award ṭum thum zet lo dawng tawh Michel Legrand chu Inrinni khan kum 86 mi niin a boral. French musical composer Michel Legrand hi an ram khawpui Paris-ah a boral a, amah ngaisangtu mi ṭhehnem tak an pungkhawm nghal a ni. 

Legrand hian kum 1968 khan a hla phuah lar tak mai 'The Windmills of Your Mind' avangin Oscar a dawng a, he hla hi The Thomas Crown Affair film theme song atan hman a ni. Hemi hnu hian a kutchhuak 'Summer of '42 and Yentl' avangin 1971 leh 1983 khan Oscar hi hlan a ni leh bawk. 

Michel Legrand hian hla a phuah thiam em avangin Oscar Award hi ṭum thum zet a dawng a, hla phuah bakah thu ziak lamah pawh sulhnu ropui tak a hnutchhiah a ni. 

Film script pawh 200 chuangzet a ziak hman a, chung zingah chuan - The Umbrellas of Cherbourg (1964) leh The Young Girls of Rochefort (1967)-te chu a kutchhuak larzual an ni. Heng bakah hian - Ice Station Zebra (1968), Best Friends (1982) leh F for Fake (1973)-te chu a ziah vek niin, nikuma tihchhuah 'The Other Side of the Wind' film pawh kha ama kutchhuak a ni bawk.