Black Eyed Peas an inlar leh ta

American musical group lar Black Eyed Peas chuan hla thar an tichhuak leh ta a, kar liamta Zirtawpni khan an tichhuak. An hla thar hi 'Vibrations Pt. 1 Pt. 2' a ni a, YouTube lamah pawh hmuh tur a awm tawh a ni. 

Black Eyed Peas hi hun eng emaw chen chu an reh vang vang a, nikum aṭang khan rimawi lamah an inlar ṭan. Kum riat zet hnua a vawi khat nan 'Mas­ters of the Sun Vol. 1' album chu nikum October thla khan an tichhuak a, fan-te an phur hle. Tun ṭuma an hla pawh hi an album ami hi niin, fan-te tan music video an rawn chhawpchhuak leh ta rup a ni. 

Black Eyed Peas hian Fergie awm loh hnuah vocalist an la nei leh lo a, 'Masters of the Sun Vol. 1' album pawh hi Fergie tel loa an tihchhuah a ni. 

American singer Nicole Scherzinger chu Black Eyed Peas-a Fergie hmun ruak luah tur anga sawi rik a ni fo a, mahse tun thleng chuan a hmun ruak luahtu hi an la awm lo a ni.