Saif leh Sara-ten film changdun dawn?

Bollywood superstar Saif Ali Khan chu 'Love Aaj Kal 2' film-ah a fanu, Sara Ali Khan nen an changdun dawn niin an tarlang mauh mai. Hei hian Bollywood a dengchhuak hneh nghal hle a, an changdun ngei dawn tih erawh a la chiang lo thung a ni. 

Bollywood star Saif Ali Khan hi Indian film director lar Imtiaz Ali film siam leh tur 'Love Aaj Kal 2'-ah hian a chang dawn a, Sara Ali Khan hming pawh lam rik a ni mek. He film-ah hian Saif leh Sara-te hi pafa ang thoin an changdun dawn niin sawi a awm a, a thleng dik ang em tih chu hriat theihin a awm thuai dawn a ni. 

Kum 48 mi Saif Ali Khan hi 'Taanaji: The Unsung Warrior'-ah a chang mek a, nakkum November thla-ah tlangzarh a ni ang. He film-ah hian - Ajay Devgn, Kajol, Shah Rukh Khan, Suniel Shetty leh Aishwarya Rai Bachchan-te pawh a changtu zingah an tel a ni.