Lady Gaga & Bradley Cooper; A vawi khat nan live-in perform

Lady Gaga leh Bradley Cooper-te chu a vawi khat nan live-in an perform dun a, mipuiin an lawm hle. 'A Star Is Born' star-te hian Park Theater, Las Vegas-ah show neiin - an hla hit 'Shallow' an sa dun a ni. 

American singer Lady Gaga hian Inrinni zan khan Las Vegas-ah show a nei a, mipuiin an bawr nasa hle. A concert lai hian sawi lawk lem loin Bradley Cooper chu a inlan a, fan-te chu an sahawk nasa hle. Gaga hian Cooper chu lo lawm­in - an hla thulkhung 'Shallow' chu live-in an perform dun ta a ni. 

Kum 44 mi Cooper leh Lady Gaga (32)-te hi a vawi khat nan drama/romance film 'A Star Is Born'-ah an changdun a, an inkawp fuh rem rem hle. 'A Star Is Born' theme song 'Shallow' chu an sa dun nghal bawk a, an larpui vet vet hle. 

'Shallow' hmang hian Golden Globes leh Critics' Choice Award-te an dawng tawh a, Oscar Award sem leh turah pawh chawimawina dawng thei tura chawpchhuah zingah an tel a ni.