Rita Ora leh Brooklyn inṭhen chhan Victoria?

Bristish singer Rita Ora leh footballer lar David Beckham-a fapa, Brooklyn Beckham-te chu hun engemaw ti lai khan an inzui ve zawk a, amaherawhchu Victoria Beckham vangin an inkar hi a tawp leh ta niin, khawthlang media-te chuan an tarlang mauh mai. 

Rita Ora leh Brooklyn-te hi kum 2017 khan an in 'date' a, hetih lai hian Brooklyn hi kum 18 mi chauh a la ni. 'Let You Love Me' singer Rita Ora erawh kum 26 mi lai a ni tawh thung. 

Spice Girls member hlui Victoria Beckham chuan a fapa Brooklyn leh Rita Ora-te kum in­thlau lutuk hi a enghelh hle a, a pawm zam thei lo. Hei vang hian an inkar pawh a tawp zui a, inhrethiam tawn takin an inkalsan ta a ni. Hemi hnu hian Brooklyn hi a chhungte chuan New York lamah photography zir turin an thawn bo nghal niin an la tarlang cheu bawk. 

Rita Ora leh Brooklyn-te chanchin hi tun hnai khan The Sun chuan an rawn tarlang thar leh a, hei hi meda hrang hrangte chuan an vawrdarh nasa hle a ni.