Sawiselna kara leng Freida Pinto

'Slumdog Millionaire' star Freida Pinto chuan a lar hnuah sawiselna nasa tak a tawng tih sawiin, mahni inrin tawkna pawh a hloh phah hman hial tih a sawi chhuak. 

Bollywood star Freida Pinto hian kum 2008 hma lam kha chuan hriat a hlawh lem lo a, Slumdog Millionaire chhuah hnuah erawh khawvelin tunge a nih a hre ta a ni. Slumdog Millionaire tlangzarh hnuah hian a lar vet vet hle a, sawiselna pawh a tawk nsa hle a ni. 

Kum 34 mi lai ni ve tawh Freida Pinto chuan, "Mite hriat ka lo hlawh tak hnu hian kil tin aṭangin sawiselna leh thu dengkhawng tak tak ka dawng a ni ber a, mahni pawh inrin ngam a harsa hle. Harsatna tam tak paltlang a ngai a, hun khirh tak ka hmachhawn a ni," tiin, a larna chuan a nunah harsatna tam tak a thlen thu a sawi. Pinto chuan Slumdog Millionaire a chan hnu khan kum hnih leh a chanve vel zet chu hna pawh thwk loa a awm thu a sawichhuak bawk. 

Mumbai khawchhuak Freida Pinto chuan Slumdog Millionaire director Danny Boyle chu thawhpui a tum tawh lo tih a sawi bawk. English filmmaker thawhpui a duh tawh loh chhan erawh a tarlang lo thung a ni.