Terminator 6 a hmuhnawm dawn

Arnold Schwar­zenegger leh Linda Hamilton te chandunna a nih chuan beisei a sang a, November-a tlangzarh tur Terminator 6 pawh a hmuhnawm leh dawn. 

Terminator chhuak thar leh tur hi American film director lar Tim Miller kutchhuak a ni dawn a, James Cameron chu producer a ni. Tim Miller leh James Cameron te inkawp hian ngaihven a hlawh a, Arnold Schwar­zenegger leh Linda Hamilton ten film an changdun leh thei hi thu lawmawm tak a ni bawk. 

Terminator 6 vuak 'hot' nan hian tun hnai khan shooting an neih tawhna ṭhenkhat chu tihchhuah a ni a, entu pawh an ṭhahnem hle. Austrian-American actor Arnold leh kum 62 mi Linda Hamilton te channa hi a tirah chuan June thla-a tihchhuah tura ruahman a ni a, mahse November 1-ah sawn hlat a ni ta zawk a ni. Tlangzarh hun tur sawn hlat a nih chhan hi kum 71 mi Arnold Schwarzenegger-a'n zai a tawh vang nia tarlan a ni.