Lindsay Lohan - Kum ruk hnuah kan hmu leh dawn

Lemchan khawvelah kum ruk teh meuh a hmel hmuh tur a awm tawh loh hnuin, Lindsay Lohan chu a rawn inlar leh dawn ta. Kum 32 mi lai ni ve tawh Lindsay Lohan hi 'Among the Shadows'-ah a chang a, March thla hian tlangzarh a ni ang. 

American singer hian Hollywood a luhchilh hnuah pawh hlawhtlinna tam tak a lo chang tawh a, hriat pawh a hlawh hle. Amaherawhchu hun eng emaw ti lai vel aṭang khan a thawm a reh vang vang a, tunah erawh film thar nen a rawn inlar leh dawn ta a ni. Lindsay Lohan ngainatute tan chuan Supernatural thriller film 'Among the Shadows' hi hmaih phal chi a ni lo. 

Tiago Mesquita kutchhuak 'Among the Shadows' ah hian American actor Daniel Hugh Kelly leh Scottish star Gianni Capaldi te nen an changho a, March 5 hian US-ah tlangzarh a ni ang.