MFA Futsal League khuhawnnaah Zaithiamten lawm an hlawh

Ṭhazual Award lama mipui hmelhriat hlawh tak Lalramzauvi (Jaui) a che leh ta - MFA Futsal League kickoff lama a che velin lawm a hlawh hle - tunlaia zaithiam lawm hlawh ber pawl Kimkima boruak pawh a 'bon' hle.

Thawhlehni zan khan RFL Plastics MFA Futsal League Season 2 Kickoff chu Chanmari YMA Hall-ah neih a ni a, futsal khuh hawnna hi entertainment programme ṭha tak anga kalpui tel a ni a, Jaui bakah Kimkima-te an inlan a, model-te'n team jersey an pholang bawk a ni.

Tun hnaia mipui lawm hlawh thar tak Jaui hian Rita Ora hla 'I'll never let you down' tih leh 'A pawi lo e' tih hla a sa a, a zaithiam bakah live performance a hmuhnawm hle. Kimkima chu 'Kimkima' a la ni reng a, mipa rual kal khawm pawh 'Ka naute' a tih chiah chuan an au dur dur mai!

Model-te'n Mizoram football team jersey thar Nivia siam an pholang a, hei bakah hian futsal club 16-te jersey pholan a ni bawk.