Juno Award dawng thei tur zingah Mendes

Canadian Academy of Recordings Arts and Sciences (CARAS) chuan March thla hian rimawi lama chawimawina sang Juno Award  chu an sem leh tawh dawn a, award dawng thei turte hming pawh puan a ni tawh. Shawn Mendes leh The Weeknd-te chu mimala langsar an ni. 

Juno Award hi Canadian zinga rimawi lama thawhhlawh bikte tana siam niin, khawvel huapa zaithiam larte tan pawh hmun a awm. 

Award zinga ngaihlut ber pakhat Juno Fan Choice Award dawng thei tur zingah - Alessia Cara, Avril Lavigne, Shawn Mendes leh The Weeknd-te an tel a, Mendes leh Weeknd-te hi Album of the Year dawng thei tura chawpchhuah an ni bawk. 

'Lost In Japan' singer Shawn Mendes hi Single of the Year category-ah a lang bawk a, a hla hit 'In My Blood' hmangin chawimawina a dawn ngei a rinawm. Hei bakah hian Artist of the Year nominee zingah a la tel cheu bawk a, Alessia Cara leh Michael Bublé leh The Weeknd-te nen bukin an awm dawn a ni. 

Juno Award hi a vawi 48 nan March 17 khian Budweiser Gardens, London-ah sem a ni dawn a, Sarah McLachlan chuan a host ang.