Jolie leh Sheridan changdun dawn

American actress lar Angelina Jolie chuan film a luhchilh leh tawh dawn a,  'Those Who Wish Me Dead' film-ah Taylor Sheridan nen an changdun dawn a ni. 

Jolie hian a thawm a reh vang vang hnuah tun hnai khan 'Those Who Wish Me Dead' changtu zingaha tel dawn tih tarlan a ni a, film khawvelah a rawn inlar leh ṭan dawn a ni. American actor Sheridan nena an changdun tur hian ngaihven a hlawh a, film siamtu lam tan pawh chanchin lawmawm tak a ni ngei ang. 

Kum 43 lai ni ve tawh Angelina Jolie hi kum 2015-a tlangzarh 'By the Sea'-ah khan a inlan a, hemi hnu hi chuan a hmel hmuh tur a awm zui meuh lo. 'By the Sea'-ah hian a pasal hlui Brad Pitt nen an changdun a, Vanessa leh Roland-te pawh an inlan a ni. Hemi hnu hi chuan a reh vang vang a, a fate enkawlna lamah a insawrbing a ni. Chutih rual chuan 'Maleficent 2'-ah a inlan leh dawn bawk a, kum 2020-a tichhuah a ni ang.