Fakhri channa 'Amavas' chhuah hun sawn

American - Pakistani actress Nargis Fakhri channa 'Amavas' film chu tun thla chhunga tihchhuah tura ruahman ni zet mah se, thla tharah tichhuah a ni zawk dawn. 

Indian actor Sachiin Joshi leh Nargis Fakhri-te channa thriller film 'Amavas' hian a changtute avangin ngaihven a hlawh a, tihchhuah hun tur chungchangah pawh hian sawi a tam hle. Indian ni lo mah se Hindi film-ah a inlan ṭhin avanga Bollywood fan-ten an ngainat rawn Nargis Fakhri channa a nih miau avangin dahnim theih a ni lo a, media lian hrang hrangte pawhin an tarlang nasa hle. 

'Amavas' hi Indian director Bhushan Patel kutchhuak a ni dawn a, Nargis Fakhri bakah hian Vivan Bhathena,Navneet Kaur Dhillon, Mona Singh leh Ali Asgar-te pawh a changtu zingah an tel a ni. Shooting hi London-ah neih a ni a, en a man hla viau dawna ni. Main Tera Hero, Spy, Rock Star leh Housefull-ahte pawh lo chang tawh Nargis Fakhri channa hi Frebuary 8-ah tichhuah a ni ang.