Jt Production ft Siampuii Ralte YouTube-ah a awm ta

Mizo lengzem artist mipa zinga tunlaia huhang ngah ber pawl Jt Production leh Sihphir tleirawl Siampuii Ralte te thawhdunna hla 'Ka hmangaih tê' chu Nilaini zanah khan Jt Production YouTube channel-ah dah chhuah a ni ta a, ngaihthlak a manhla tak zet.

Kar hmasa lamah khan Zonet lamah chuan tihchhuah a ni tawh a, mahse duh hun huna hmeh chhuah theih a ni lo. Tunah erawh duh hun huna ngaihthlak theih turin YouTube-ah a awm tawh a ni.

Valentines' Day a hnai a, he hla hi Jt Production chuan V-Day puala an tihchhuah a nih thu a lo sawi tawh a, V-Day nia inhmangaihte tana hla ngaihthlak tur ṭha tak pawh a ni chiang e. Nikum kum tawp lama an peihfel daih tawh kha ni mah se tlangzarh hun ṭha an chang a, hun ṭha ber nia an hriatah an rawn chhawp chhuak ta a, an music video pawhin mit leh beng a titlai hle.

Nimin chawhnu lam thleng khan thlirtu sing thum chuang an music video hian a nei tawh a, Jt Production hla phuah hi niin a hla dang ang bawkin ngaihthlak a hahdamin a mawi leh viau mai.