The Weeknd hla stream 41%-in a pung

Super Bowl Halftime Show-a a perfom hnuah Canadian singer The Weeknd hlate chuan stream a hlawh nasa zual hle a, US-ah ringawt pawh Super Bowl Halftime Show-a a perform hma aiin 41%-in a hlate an stream nasa zawk.

MRC Data-in a tarlan dan chuan February 7-8 inkarah khan on-demand streams (audio & video)-ah stream maktaduai 48.9 neiin, a hma ni February 5-6-ah kha chuan stream mtd 34.5 a nei thung.

February 7-8 bikah khan a Billboard Hot 100 hit 'Blinding Lights' chu miin an stream nasa zual hle a, vawi maktaduai 6.54 lai stream niin a hma ni aiin 42%-in an stream nasa. 'Save Your Tears' kha mtd 6.19 lai stream a ni bawk a, a hla sak dang ho pawh kha stream zat hi nasa takin a pung vek a ni.

The Weeknd hian Super Bowl Halftime show a hlawhtinna tur khan a pawisa $mtd 7 lai a hmang.