Tommy-a'n val senior hla tichhuak

Rimawi khawvelah kan hmu tawh dawn lo emaw kan tih hnuin Tommy L. Pachuau chuan hla thar a rawn chhawpchhuak leh ta rup mai. Tun ṭuma a hla thar hi tlangval senior hla niin, ‘Phei­chham tal man se’ tih a ni. 

Tommy hian hun eng emaw chen music video a tichhuah loh hnuin Ṭhazual Awarde 2017-ah a perform a, 2019 a herchhuah meuh chuan hla thar nen a rawn kir leh ta a ni. ‘Pheichham tal man se’ tih hla hi Faka Hnamte phuah niin, recording hi Blue Wave Records a ni. Video hi Siama (SVP) kutchhuak a ni bawk a, belhchian a dawl hle. 

Tommy-a music video thar hi Zonet-ah tichhuah a ni dawn a, YouTube-ah pawh en tur a awm thuai dawn a ni.