Liam Payne leh Naomi Campbell an ri ret ret!

British singer Liam Payne leh model Naomi Campbell-te inkarah ri ret ret a awm niin khawthlang media-te chuan an tarlang tlat mai. Payne leh Naomi-te hian tun hnai khan O2 Arena-ah Nigerian singer Davido concert an chhim dun a, an inhaw lo hle tih an khawsak dan aṭangin a lang niin an sawi. 

'Familiar' hitmaker Liam Payne hian social media kaltlangin supermodel Naomi hi a lo chhai zauh zauh tawh a, Instagram lama a thlalak-te pawh a lo comment sak ṭhin a ni awm e. Hetiang a nih mek laia hmuh dun an nih leh tak avang hian an chanchin hian ngaihven a hlawh thar a, an in 'date' ngei tih a chiangah an ngai. 

Liam Payne hi English singer Cheryl nen an inhmuh thiam loh avangin a single mek a, amah aia kum 20 chuang zeta upa Naomi Campbell lam hi a hawi ta a ni. Liam hi kum 25 mi chauh a la ni a, chutih lai chuan Naomi erawh kum 48 mi lai a ni tawh thung. Cheryl pawh kha amah aia upa tho niin, kum 10 zetin an inthlau a ni.