Miley Cyrus-i'n studio a luhchilh leh tawh

American singer Miley Cyrus chuan studio a luhchilh leh tawh a, record producer lar Andrew Wyatt nen an thawkdun dawn a ni. 

Miley hian tun hnai khan social media kaltlangin hemi chungchang hi a tarlang a, American producer Andrew Wyatt nen project lian tak an buaipui thu a sawi. California-a studio pakhata a thlalakah pawh tarlangin,  fan-te chu dawn thei taka lo nghak turin a chah. 'The Climb' singer Miley Cyrus hi music huangah hun eng emaw chen chu a reh deuh vang vang a, tunah chuan hla thar nen a rawn kir leh dawn tawh a ni. Nikum kum tawp lam khan Australian actor Liam Hemsworth nen an innei a, hemi hnua a vawi khat nan tun hnai khan mipui hma-ah a inlan leh tawh bawk.

A thawhpui tur Wyatt hi khaw­vel huapa zaithiam lar tak tak - Machine, Dua Lipa, Beck leh Bruno Mars-te pawh lo thawhpui tawh a ni a, Miley Cyrus nena an thawkdun pawh hian ngaihven a hlawh hle a ni.