Malaysia lal thar lalut

Sultan Abdullah Sultan Ahmad Shah chu nimin han Malaysia lal 16-na atan lakluh a ni. 

Pahang state lal, Abdullah hi kum nga chhung Malaysia ram lal ni tura lakluh a ni a, a deputy atan Perak lal, Sultan Nazrin Shah chu dah a ni nghal bawk.  

Lal thar lak luh inkhawm hi Kuala Lum-pur-a National Palace-ah neih a ni a, Prime Minister Mahathir Mohamad leh cabinet minister-te pawh an tel a ni. Parliament square-ah lal thar lawmna inkhawm hi buatsaih a ni a, 21 gun salute hlan a ni. 

January 6 khan Sultan Muhammad V chu Malay-sia lal a nihna aṭangin a bang a, hemi hnu hian lal thar tur hi thlan a ni. Malaysia lal hi kum nga danah thlan thar a ni ṭhin. Malaysia lal hi an ram hotu lu ber niin, armed forces commander a ni nghal a ni.