Brad Pitt-a'n Leonardo a fak

Brad pitt chuan tunhnaia tihchhuah ‘Once upon a time in hollywood’ film-a Leonardo DiCaprio nena chandun chu a nuamin, hahdamthlak a tih thu Ok magazine-in a kawmnaah a sawi.

Hlim takin kan nui dun thei hi ka lawm a, he film-ah hian kan lanna scene chu hnehsawh taka kan chan dun theihna chhan chu Leonardo thiam em vang a ni, a ti.

Brad Pitt chuan, "Film industry-ah hian experience tam tak kan nei tawh a, mi tam tak hmelhriat ṭha pawh kan nei a ni. Leonardo hi mi inpe tak leh mi rilru zau tak a ni a, kan la chan dun leh ngei pawh ka ring a ni," tiin a sawi bawk. 

Quentin Tarantino film 'Once Upon A Time In Hollywood'-ah hian Brad Pitt leh Leonardo DiCaprio-te chu changdunin, an vawikhat chan dunna a ni. An inmil phian a, an hma hun atan pawh thawhdun zel an hreh lo.