Elvis Presley animated series siam dawn

King of Rock and Roll, Elvis Presley animated series siam a ni dawn tih kar kal ta Zirtawpni khan streaming platform, Netflix chuan a puang. 

Netflix hian Elvis-a fanu, Priscilla Presley leh John Eddie-te an thawhpui dawn a, animated series an siam tur hi Agent King tih a ni ang. King hi sorkar secret agent a ni a, mahse musician angin a zinkual ṭhin dawn a ni. Hemi rual hian ram tana mi hnawksakte zawnchhuah hna a rukin a thawk kawp ang. 

Priscilla Presley chuan a pa chuan naupang a nih lai aṭangin misualte lak aṭanga khawvel chhanhim chu a suangtuahna a ni ṭhin tih sawiin, Agent King hmang hian a lo suangtuahnate chu tihhlawhtlin a ni thei dawn ta a ni, a ti. Co-creator John Eddie chuan Netflix leh Sony Animation nena he project an siam thei tur chu an phur tawh hle tih sawiin, Elvis-a an la lo hmuh tel ngai loh ang kha khawvel hmuhah lantir a ni dawn a ni, a ti.