Inter College Folk Song Competition 2019 nei dawn
Music Domain Mizoram (MDM) leh Art & Culture Department ṭangkawp chuan August 22 leh 23 hian Inter College Folk Song Competition Vanapa Hall-ah an buatsaih dawn.
Heta tel tur hian college hrang hrang pawh an inpuahchah nasa hle. Zai mai bakah zai pui turin chheihlam a lam telh phalsak an nih dawn avangin he competition hi hmuhnawm hle rin a ni.
Hla thlanchhuah sa 10 hmangin intihsiakna hi neih a ni dawn a, khuang leh seki, Keyboard leh Guitar-te hman phalsak an ni a, final-ah chuan track pawh hman phalsak an ni ang. August 22 hian Chuailova, Dy Director, A&C-in a hawng ang a, top 5 thlanna neih nghal a ni ang. Ni 23 zanah Grand Finale neih nghal tur a ni bawk.
Grand Finale-ah hian R. Lalzirliana, A&C Minister chu khuallian a ni ang a, R. Hmingthanzuala, Director, A&C chu khualzahawm a ni bawk ang.
Lawmman
1st prize Rs 40,000 + Trophy + Citation
2nd prize Rs 20,000 + Trophy + Citation
3rd prize Rs 10,000 + Trophy + Citation
4th & 5th position Rs 3000 + Citation