CMA Awards-ah Dolly Parton leh Reba McEntire
Country Music Association Awards sem turah Dolly Parton leh Reba McEntire-te chu special guest host an ni dawn.
CMA Awards hi kum 2008 aṭang khan Brad Paisley leh Carrie Underwood-ten an host char char a, mahse kuminah hian Paisley hi a inlan thei dawn lo a ni. CMA chuan kuminah chuan Carrie Underwood hi guest host pahnih, Reba McEntire leh Dolly Parton-ten an zawm ve thung dawn tih a puang.
Kum 73 mi ni tawh, Dolly Parton hian kum 1988 khan CMA hi a lo host tawh a, kum 64 mi McEntire hian 1990-1992 khan a lo host ve tawh bawk. 53rd Annual CMA Award nominee hi August 28 hian puan a ni dawn a, November 13-ah show hi neih a ni ang.