Obama basketball jersey $120,000 in hralh

US President hlui, Barack Obama'n High School a kal laia a basketball jersey chu kar kal ta Inrinni khan Dallas-a lilamnaah $120,000 a hralh a ni. 

Heritage Auction chuan jersey, 'Punahou 23' hralhtu hi Pete Noble a nih thu a sawi a, Honululu-a Punahou School-ah Obama-te nen hian an kal tlang ṭhin. Noble chuan he jersey hi kum 1980 vel khan bawlhhlawh bawma paih tura dah chu hmuin, a dahṭha zui ta zawk tih a sawi. 

Jersey hian school-a an hun hman hlimawm takte hriatrengna atan a kawl ṭha a, kum 2008-a US President atana Obama thlan tlin a nih khan jersey #23 hi a ha ṭhin tih a hrechhuak tih a sawi. "#23 Punahou varsity jersey hi ka hak ve hmain Obama hian kum hnih vel chu a lo ha hman a ni," a ti. Jersey a hralhna sum ṭhenkhat chu school tan a pe dawn tih a sawi bawk.