V Day-ah mi dangte tan malsawmna i ni thei

Association for Voluntary Blood Donation (AVBD), MSACS leh Mizorama blood bank hrang hrangte chuan naktuka Valentine's Day pualin February 15, Thawhṭanni hian blood bank hrang hrangah thisen pek rûnpui an huaihawt leh dawn. Thupui chu 'Show Love, Give Blood' tih a ni ang.

Valentine's Day Blood Donation Camp-ah hian an hmangaihte puala thisen pe turin AVBD chuan Mizo mipui an sáwm a, "I kawppui nen emaw, i ṭhiante nen emaw, nangmah chauh pawhin rawn kal la, mite nunna chhan turin thisen rawn pe ve rawh le," an ti.

V-Day puala thisen pek rûnpui buatsaih tur hi Covid-19 léng avangin kum dang angin lian tham taka huaihawt a ni dawn lo. Thisen pe apiangte hnenah rose pek zel a ni dawn a, rose hi Miss Mizoram 2020-a pathumna Muansangi, Miss Mizoram 2017-a pahnihna Esther Sailo leh TV anchor Angelina-te'n an pe dawn a ni. 

Thisen pekna tur blood bank-te chu: Aizawl Civil Hospital, Lunglei Civil Hospital, Christian Hospital, Siaha, Champhai, Kolasib, Serchhip, Lawngtlai leh Mamita district hospital blood bank-te a ni.