PYD-ten kumpuan hawnna nei

Mizoram UPC kohhran ṭhalai pawl, Pentecostal Youth Department chuan nimin khan PYD Kumpuan 'Taimakna' (II Petera 1:10) hawnna an nei a, Mizoram UPC general superintendent Rev. C. Lalremsanga chuan kumpuan hawnna hi a nei a ni. 

Dinthar Biak Ina kumpuan hawnna hunah hian Rev. PB Lalhmuliana, General Treasurer, Mizoram UPC chuan kumpuan zirbu 'Taimakna', Rev. P. Lalrinawma, Dinthar Bialtu Pastor ziah chu tlangzarhna a nei nghal bawk. 

Kumpuan hawnna neih zawhah hian General PYD hnuaia hruaitute leh committee peng hrang hrang hruaitute inhlan tharna hun neih a ni bawk a, Mizoram UPC PYD-te hian GPYD kaihhruaina hnuaiah Literature Committee, Social Wing Committee, Documentation Committee leh Pentecost Meichher (thlatin chhuak chanchinbu) te an nei a ni.