Inter Branch KṬP Quiz Semi Final

Central KṬP-in Kristian Ṭhalai chanchinbu kum 50 tlin lawmna puala Inter Branch KṬP Quiz a buatsaih chu zanin hian Semi Final intihsiak a ni dawn a. Intih­siakna hi zan dar 6 aṭangin Zonet leh LPS-a Hruaina Êng channel-ah Live-a tih­chhuah a ni ang.

Inter Branch KṬP Quiz hi Elimination Round neih a ni tawh a, Elimination Round-ah hian Branch 133 inlanin, heng zinga Branch 20 te chu Semi Final-a inlan turin an tling a. Branch 20 te hi zaninah an intihsiak dawn a ni. Intihsiakna tur hi Bible, KṬP chanchin, Mizoram Presbyterian Kohhran chanchin leh Kristian Ṭhalai chanchinbu aṭangtein a ni.

Semi Final-a a ti ṭha Branch pangaten Final an lut ang a, Final hi naktuk, Zirtawpni zanah intihsiak leh a ni ang. Pakhatnain Rs. 1,00,000 an dawng ang a, pahnihnain Rs. 40,000 leh pathumnain Rs. 20,000 an dawng ang a, Citation leh Trophy pek vek an ni bawk ang. Palina leh panganain Rs. 5,000 ve ve leh, Semi Finalist ten Rs. 2,000 an dawng bawk dawn a ni.

Kristian Ṭhalai Golden Jubilee pual hian Golden Jubilee Logo insiamsiak buatsaih a ni a, mi hrang hrang thehluh aṭangin Michael Lalramchhana, Khatla Branch kutchhuak thlan a ni.