The Matrix 4 film siam dawn

Science fiction film lar tak The Matrix kum 20 tlinna champha pualin 'The Matrix 4' siam tum leh a ni. 

Keanu Reeves leh Carrie-Anne Moss pawh Neo leh Trinity lemah an rawn chang leh dawn. Director leh a film ziaktu tur pawh 'The Wachowskis' bawk a ni leh ang.

Kum 1999 khan 'The Matrix' film hmasa ber tihchhuah a ni a, 'The Matrix Reloaded' chu kum 2003-ah tihchhuah leh niin, hemi kum vek hian 'The Matrix Revolutions' siam a ni bawk. 

Heng film pathum aṭang hian USD tld 1.6 lakluh a ni a, tuna an siam thar leh tur pawh hi a hit leh viauin a rinawm. 

Lana Wachowski chuan, "Lilly idea tam tak leh kum 20 kal taa thil thleng ka zirchianna chu vawiin nen a kaikhin a, he film siam thar leh tur a ni hi ka lawm hle a ni. Ka ṭhiannu leh ka farnu nibawk Lilly nen kan thawk dun leh thei tur hi ka lawm hle bawk," a ti. 

Kum 2017 khan 'The Matrix' film siam leh a nih tur thu hi khawtlang media-ten an lo sawi lang fo tawh a, Warner Bros Pictures leh Village Roadshow Pictures-te chuan he film hi an chhuah ang. Tuna 'The Matrix 4' tur hi nakkum kum tira aṭanga chan ṭan tura beisei a ni.