James Bond film thar hming tur 'No Time to Die'

James Bond film thar hming tur chu hun eng emaw chen tihchian a ni loh hnuah,  'No Time to Die' tih a ni dawn tih tihchian a ni ta a; nakkum April thlaah release a ni dawn tih producer-ten an puang ta. 

Official 007 Twitter chuan James Bond 007-ah Daniel Craig a chan leh tur thu leh, nakkum April 3-ah UK leh April 8-ah US-ah tihchhuah a ni dawn tih a tarlang. 

Kumin April thlaa Jamaica lama shooting an neih lai khan, producer-te chuan James Bond film thar berah hian Oscar winner Rami Malek chu misual lema a chan tur thu an lo sawi tawh a ni. He film-ah hian Bond hian a service aṭanga chawlin Jamaica-ah hun nuam tak a hmang chho a, mahse a ṭhian hlui CIA ami Felix Leiter-a'n pui tura a ngen aṭang­in 'scientist kidnap' chhan­chhuak turin a che chhuak leh dawn a ni. Jamaica bakah London, Italy leh Norway-ah an chang. 

'No Time to Die' hi kumin November thlaa tichhuah tura ruahman hmasak a ni a, mahse director Danny Boyle a ban avangin a thlaktu turin Cary Joji Fukunaga ruat leh a ni a, hei vang hian tihchhuah hun tur hi nakkumah sawn hlat phah a ni.