Box Office The Call of the Wild-in Sonic a umpha lo

Box Office-ah Sonic the Hedgehog umphak thei an la awm lo a, a la tlan chak ber. The Call of the Wild chu pahnihna niin, Birds of Prey: And the Fantabulous Emancipation of One Harley Quinn chu pathumnaah a la thlawk ve bawk.

Kar hmasaa tlan chak tak Sonic the Hedgehog chuan Box office-ah umphak tu a la nei lo a, a la tlan chak chhunzawm zel. Theatre 4,198 aṭangin $26,192,294 a la lalut thei a ni. Khawvel puma a sum lakluh tawh chu $mtd 203 lai a ni tawh a, a hlawhtling hle. He video game adaptation film hi a 'hit' chho zel a, kar hnih hnuah pawh a sum lakluh hi a la tam tham hle a, IMDb ratings-ah pawh 6.9 lai a hmu bawk.

Zirtawpni liam taa US-a tlangzarh The Call of the Wild hi ui lam film tuipuitu tan chuan a hmuhnawm ngei ang. He adventure film hi Kum 1903-a Jack London lehkhabu ziah The Call of the Wild tih behchhana siam a ni a, theatre 3,752 aṭangin $24,791,624 lai lalutin Sonic nen pawh hian an inum tawk hle. Khawvel puma a sum lakluh tawh pawh $mtd 40 zet a ni tawh. 

Ui fing tak Buck leh a pu John Thornton (Harrison Ford)-te zingkawng hmuhnawm tak hi adventure film tuipui tan chuan hmaih chi a ni lo.

Kum 2016-a tihchhuah, American horror film The Boy chhunzawmna Brahms: The Boy II chuan Box office Top 5 a khar. He ramhuai film hi Box Office chart-ah beisei angin a hrang nasa lo a ni. Birds of Prey: And the Fantabulous Emancipation of One Harley Quinn chu sum lalut tam pathumna a la ni pha a, Bad Boys for Life chu palina a ni bawk.