Vietnam sorkarin TikTok a hmang ṭangkai

Vietnam Ministry of Health chuan TikTok account hawng tharin hemi hmang hian coronavirus chungchanga hriat tur pawimawhte mipuite hnenah a hriattir ṭhin dawn.

Hriselna kawnga an tih tur pawimawhte leh Covid-19 kaihhnawih mipui hriat tur pawimawhte chu TikTok hmang hian an puangchhuak tel ṭhin ang.

Ministry TikTok account-ah hian animated film 20 vel an dah tawh a, mi maktaduai chuangin an thlir tawh niin an ram tualchhung media-te chuan an tarlang a, hei hi sorkar chuan hman ṭangkai a tum niin an sawi.

Vietnam-ah hian coronavirus vanga thi report a la awm lo a, mahse vei erawh an awm nual tawh a ni.