NASA Mathematician Katherine Johnson a thi
NASA Mathematician lar tak Katherine Johnson chu Thawhṭanni khan kum 101 mi niin a thi tih NASA chuan a puang.
Kum 2016-a tihchhuah, Oscar nominee hial ni phak Hidden Figures en tawhte chuan Katherine Johnson hi tunge a nih an hre awm e. Kum 1969-a mihring thlaa an lawn theihna tur chhut chhuaktu pawimawh tak kha a ni.
NASA Administrator Jim Bridenstine chuan Johnson chu America mite 'hero' a ni tih sawiin a hnathawhte chu theihnghilh a ni tawh dawn lo a ni, a ti. "A huaisenna leh a mel lung pawimawh tak phumte chu a tel lo chuan tih theih a ni lo," tia sawiin zahna a hlan.
Johnson leh a thawhpuite kha kum 1961-a astronaut Alan Shepard, America mi van boruaka inkap chhuak hmasa ber hlawhtling taka a inkah chhuah theihna parameter chhut chhuaktute an ni bawk. Neil Armstrong leh Buzz Aldrin-te July 1969-a thlaa an lawn theih chhan pawh kha amah vang bawk hi a ni.
US president hlui Barack Obama khan Kum 2015 khan an rama civil mi chawimawina sang ber Presidential Medal of Freedom a hlan tawh bawk.