Inter college Folk song Competition 2019 Winner Lalduhawmi, Gov't Saitual College
MDM leh Art & Culture buatsaih college hrang hrang inelna - Inter College Folk Song Competition 2019 chu Zirtawpni zan khan neih zawh a ni ta a, Lalduhawmi, Gov't Saitual College chu pakhatna a ni.
Intihsiaknaah hian College 18 an tel a, top 3 chin hian certificate, trophy leh pawisa fai dawng vekin, palina leh pangana hian certificate leh pawisa fai an dawng ve bawk. Pakhatna hian Rs 40,000 a dawng a, pahnihnain Rs 20,000 dawngin pathumna hian Rs 10,000 a dawng.
Final zanah hian Lalzirliana, Art & Culture Minister chu khuallian a ni a, R.Hmingthanzuala , Director, Art & Culture Dept chu khual zahawm a ni bawk. Programme hi Sawmtea Chhangte leh Zonuni Fanai-ten host-in Zonet Rimawi, Zonet HD leh Zonet Youtube channel-ahte live a pekchhuah a ni.
Lawmman dawngtute:-
Pakhatna Lalduhawmi, Govt Saitual College
Pahnihna R.Malsawmtluangi, Govt Aizawl North College.
Pathumna Lalrinsangi, Govt Aizawl College
Palina Dodie Zoliansanga, Govt Zirtiri Residential Science College
Pangana Lalrinhlui Tlumang, Pachhunga University College