INTER BRANCH KṬP QUIZ Melthum Branch an thiam ber

Kristian Ṭhalai chanchinbu Golden Jubilee puala CKṬP-in Inter Branch KṬP Quiz an buatsaih chu Zirtawpni zan khan zawh a ni a. Melthum Branch chu pakhatna an ni.

Inter Branch KṬP Quiz Final hi Dawrpui Kohhran Centenary Hall-ah neih a ni a. Final-ah hian Zemabawk Branch, Keiṭumkâwn Branch, Chawlhhmun Branch, Melthum Branch leh Ramhlun Vengchung Branch-te an intihsiak a ni. A pumpuiah Melthum Branch hian chhang dik hnem berin pakhatna an ni a, Rs. 1,00,000 leh Citation leh Trophy an dawng.

Pahnihna hi Chawlhhmun Branch niin, Rs. 40,000 leh Citation leh Trophy, pathumna hi Ramhlun Vengchung niin, Rs. 20,000 leh Citation leh Trophy an dawng. Zemabawk Branch chu palina an ni a, Rs. 5,000 leh Citation an dawng a, Keiṭumkawn Branch pangana niin Rs. 5,000 leh Citation bawk an dawng. Semi Final thleng thei Branch 15-ten Rs. 2,000 ṭheuh an dawng bawk. Lawmman hi Rev. Lian­hmingthanga Sailo, Senior Executive Secretary, Mizoram Synod-in a sem.

Kristian Ṭhalai chanchinbu kum 50 tlin pual hian souvenir, 'Hnuhma' tih chu buatsaih a ni dawn a, KṬP General Conference 2020-ah tlangzarh a ni ang. KṬP General Conference-ah hian Inrinni zan inkhawm banah Kristian Ṭhalai Golden Jubilee puala hun hman tura ruahman a ni bawk.

Pakhatna    Melthum Branch

Pahnihna    Chawlhhmun Branch 

Pathumna    Ramhlun Vengchung

Palina    Zemabawk Branch

Pangana    Keiṭumkawn Branch